काठमाडौं । आज (बुधबार) नेपाली बजारमा सुनको भाउले बढेर रेकर्ड ब्रेक गरेको छ । यस दिन सुनको भाउ प्रतितोला ४०० रुपैयाँले बढेको छ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ४८ हजार ९०० रुपैयाँमा कारोबार भइरहेको छ । सो भाउ हालसम्मको उच्च हो । मंगलबारको बजारमा छापावाल सुन प्रतितोला २ लाख ४८ हजार ५०० रुपैयाँमा कारोबार भएको थियो । सो भाउलाई ब्रेक गर्दै आज सुनको भाउले नयाँ उचाई बनाएको हो ।
यस दिन चाँदीको भाउ भने तोलामा ८५ रुपैयाँले घटेको छ । बुधबारको बजारमा चाँदी प्रतितोला तीन हजार २४० रुपैयाँमा खरिदबिक्री भइरहेको छ । मंगलबारको बजारमा चाँदी प्रतितोला तीन हजार ३२५ रुपैयाँमा खरिदबिक्री भएको थियो । सो भाउ नै हालसम्मको उच्च हो ।
