काठमाडौं । घरेलु बजारमा आज (बिहीबार) पनि पहेंलो धातु सुनको भाउ बढेको छ । यो दिन छापावाला सुनको भाउ अघिल्लो दिनको तुलनामा १०० रुपैयाँले बढेको छ ।
नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला १ लाख ५३ हजार २०० रुपैयाँ कायम भएको यो भाउ हालसम्मकै उच्च हो ।
अघिल्लो कारोबार दिन बुधबार सुनको मूल्य तोलाको १ लाख ५३ हजार १०० रुपैयाँ कायम भएको थियो । यसैगरी, यो दिन चाँदीको मूल्य भने घटेको छ । यो दिन चाँदीको मूल्य तोलाको १ हजार ८३० रुपैयाँ कायम भएको छ । अघिल्लो दिन चाँदीको मूल्य तोलाको १ हजार ८५५ रुपैयाँ कायम थियो ।
