काठमाडौँ । नेपाल सुनचाँदी व्यवसायी महासंघले आज (सोमबार) सुनचाँदीको भाउ स्थिर रहेको जनाएको छ । महासंघले आजको बजार भाउ तय गर्दै सुनचाँदीकै कारोबार भाउ स्थिर कायम भएको जानकारी दिएको हो ।
यससँगै, आज छापावाल सुनको भाउ तोलामा १ लाख २० हजार ५०० रुपैयाँ र तेजाबी सुनको भाउ तोलामा १ लाख १९ हजार ९०० रुपैयाँ कायम छ । हिजो आइतबार पनि यही भाउमा सुनको कारोबार भएको थियो ।
यस्तै, आज चाँदीको भाउ पनि स्थिर कायम छ । महासंघले आज तोलामा १४ सय ५५ रुपैयाँ कायम हुँदै चाँदीको कारोबार सुरु भएको जानकारी दिएको छ । हिजो आइतबार पनि यही भाउमा चाँदीको कारोबार भएको थियो ।
