काठमाडौं । बिहीबार नेपाली बजारमा सुनको भाउ बढेको छ । बुधबार सुनको भाउ प्रतितोला एक लाख ६ सयमा कारोबार भएकोमा आज तोलामा ३ सयले बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा एक लाख ९ सय रुपैयाँ रहेको छ भने तेजावी सुनको भाउ प्रतितोला एक लाख चार सय रुपैयाँ पुगेको छ ।
त्यस्तै, आज चाँदीको भाउ भने घटेको छ । हिजो चाँदीको भाउ प्रतितोला १३ सय ८५ रुपैयाँमा कारोबार भएकोमा आज घटेर प्रतितोला १३ सय ८० रुपैयाँ कायम भएको महासंघले जनाएको छ ।
