काठमाडौं । नेपाली बजारमा सुनको भाउ आज (मंगलबार) बढेको छ ।
नेपाल सुनचाँदी व्यवसायी महासंघका अनुसार आज सुनको भाउ तोलामा १०० रुपैयाँले बढेको हो। योसँगै प्रतितोला छापावाल सुन ९८ हजार ८०० रुपैयाँ र तेजाबी सुन ९८ हजार ३०० रुपैयाँ कायम भएको छ।
हिजो (सोमबार) सुनको भाउ तोलामा ६०० रुपैयाँले घटेको थियो। यो दिन प्रतितोला छापावाल सुन ९८ हजार ७०० रुपैयाँ र तेजाबी सुन ९८ हजार २०० रुपैयाँमा कारोबार भएको छ।
आज चाँदीको भाउ भने तोलामा १० रुपैयाँले घटेर १३ सय ४० रुपैयाँ कायम भएको छ। हिजो पनि तोलामा १० रुपैयाँ घटेर चाँदी १३ सय ५० रुपैयाँमा किनबेच भएको थियो।
