काठमाडौं । सोमबार नेपाली बजारमा सुन र चाँदीको भाउमा गिरावट देखिएको छ।
नेपाल सुनचाँदी व्यवसायी महासंघले दिएको जानकारीअनुसार आइतबारको तुलनामा सुनको भाउ प्रतितोला ४ सय रुपैयाँले घटेको हो।
यससँगै छापावाल सुन प्रतितोला १ लाख ५ सय रुपैयाँमा झरेको छ। त्यस्तै तेजावी सुनको भाउ पनि १ लाख रुपैयाँमा झरेको छ।
त्यस्तै चाँदीको भाउमा पनि गिरावट देखिएको छ। चाँदीको भाउ प्रतितोला २० रुपैयाँले घटेको हो।
चाँदी प्रतितोला १३८० रुपैयाँमा कारोबार भइरहेको छ।
