काठमाडौं । नेपाली बजारमा बिहीबार सुनको भाउ घटेको छ ।
नेपाल सुनचाँदी व्यवसायी महासंघका अनुसार आज सुनको भाउ ५०० रुपैयाँले घटेको छ । योसँगै प्रतितोला छापावाल सुन ९९ हजार रुपैयाँ र तेजाबी सुन ९८ हजार ५०० रुपैयाँ कायम भएको छ ।
हिजो बुधबार सुनको भाउ तोलामा १९०० रुपैयाँले बढेको थियो । यो दिन प्रतितोला छापावाल सुन ९९ हजार ५०० रुपैयाँ र तेजाबी सुन ९९ हजाररुपैयाँमा कारोबार भएको थियो ।
आज चाँदीको भाउ भने तोलामा ५ रुपैयाँ बढेर १३ सय ८० रुपैयाँ पुगेको छ । हिजो तोलामा ४० रुपैयाँ बढेर चाँदी १३ सय ७५ रुपैयाँमा किनबेच भएको थियो ।
