काठमाडौं । नेपाली बजारमा सोमवार सुनको भाउ घटेको छ । स्थानीय बजारमा अघिल्लो कारोबार दिन अर्थात् आइतवार १०० ले बढेको सुनको भाउ सोमवार सोही अंकले घटेको हो ।
नेपाल सुनचाँदी व्यवसायी महासंघका अनुसार सोमवार छापावाला सुन प्रतितोला ९० हजार ६०० रुपैयाँमा कारोबार भएको छ । आइतवार छापावाला सुनको भाउ प्रतितोला ९० हजार ७०० रुपैयाँमा कारोबार भएको थियो । आइतवारको तुलनामा सोमवार छापावाला सुन प्रतितोला १०० रुपैयाँले घटेको हो ।
त्यसैगरी, तेजाबी सुन प्रतितोला ९० हजार १५० रुपैयाँमा कारोबार भएको छ । आइतवार तेजाबी सुन प्रतितोला ९० हजार २५० रुपैयाँमा कारोबार भएको थियो ।
यस्तै, सोमवार चाँदीको भाउ भने बढेको छ । आइतवार प्रतितोला ११ सय ७५ रुपैयाँमा कारोबार भएको चाँदी सोमवार ५ रुपैयाँले बढेर ११ सय ८० रुपैयाँमा किनबेच भइरहेको छ ।
