काठमाडौं । नेपाली बजारमा सुनको भाउ आज बढेको छ ।
नेपाल सुनचाँदी व्यवसायी महासंघका अनुसार आज सुनको भाउ तोलामा ४०० रुपैयाँले बढेको हो। योसँगै आज प्रतितोला छापावाल सुन ९४ हजार ९०० रुपैयाँ र तेजाबी सुन ९४ हजार ४०० रुपैयाँ कायम भएको छ।
हिजो बुधबार सुनको भाउ स्थिर रहेको थियो। यो दिन प्रतितोला छापावल सुन ९४ हजार ५०० रुपैयाँमा र तोजाबी सुन ९४ हजार रुपैयाँमा कारोबार भएको थियो।
आज चाँदीको भाउ १५ रुपैयाँले बढेर १ हजार ३७५ रुपैयाँ कायम भएको छ। हिजो तोलामा १० रुपैयाँले घटेर चाँदी १ हजार ३६० रुपैयाँमा कारोबार भएको थियो।
