काठमाडौं । साताको पहिलो कारोबार दिन आइतवार सुनको मूल्य ओरालो लागेको छ । स्थानीय बजारमा आइतवार सुनको मूल्य ४०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आइतवार छापावाला सुन प्रतितोला ८९ हजार ५०० मा कारोबार भएको छ । शुक्रवार छापावाला सुनको मूल्य प्रतितोला ८९ हजार ९०० मा कारोबार भएको थियो ।
त्यसैगरी, तेजाबी सुन प्रतितोला ८९ हजार ०५० मा कारोबार भएको छ । शुक्रवार तेजाबी सुन प्रतितोला रू। ८९ हजार ४५० मा कारोबार भएको थियो ।
यस्तै, आइतवार चाँदीको पनि घटेको छ । शुक्रवार प्रतितोला रू। एक हजार २८० मा कारोबार भएको चाँदी आइतवार रू। १ हजार २७५ मा खरीदविक्री भइरहेकको छ । शुक्रवारको तुलनामा आइतवार चाँदीको मूल्य ५ रुपैयाँले घटेको हो ।
