काठमाडौं । इमर्जिङ नेपाल लिमिटेडले साधारण शेयर (आईपीओ) विक्रीका लागि निष्काशन तथा विक्री प्रबन्धक नियुक्त गरेको छ ।
कम्पनीले शुक्रवार जारी गरेको विज्ञप्तिअनुसार १०० रुपैयाँ अङ्कित दरका ५ लाख ५५ हजार ६०० कित्ता साधारण शेयर विक्री गर्न लागेको हो ।
शेयर विक्रीका लागि एनआईसी क्यापिटल लिमिटेडलाई निष्कासन तथा विक्री प्रबन्धक नियुक्ति गरिएको हो । सो सम्बन्धी सम्झौतापत्रमा हस्ताक्षर भएको र छिट्टै साधारण शेयर विक्री गरिने जनाइएको छ ।
