काठमाडौं । अघिल्लो दिन गिरावट भएको सुनचाँदीको भाउ आज बढेको छ । आज सुनको भाउ तोलामा ५०० रुपैयाँले बढेको छ ।
यस दिन छापावाला सुन प्रतितोला ८७ हजार ५०० रुपैयाँमा कारोबार भइरहेको छ । अघिल्लो कारोबार दिन सुन तोलामा एक हजार ७०० रुपैयाँले गिरावट भएर प्रतितोला ८७ हजार रुपैयाँ पुगेको थियो ।
यसैगरी बुधबार तेजाबी सुन प्रतितोला ८७ हजार ५० रुपैयाँमा खरिदबिक्री भइरहेको नेपाल सुनचाँदी व्यवसायी महासंघले जनाएको छ ।
सुनसँगै चाँदीको भाउमा पनि बढेको छ । महासंघका अनुसार आज चाँदी तोलामा २५ रुपैयाँले वृद्धि भएर प्रतितोला एक हजार ३१५ रुपैयाँमा किनबेच भइरहेको छ । मंगलबार भने चाँदी प्रतितोला ४० रुपैयाँले ओरालो लागेर १ हजार २९० रुपैयाँमा झरेको थियो ।
