काठमाडौं । मंगलबार नेपाली बजारमा सुनको भाउ बढेको छ । सोमबार सुनको मूल्य प्रतितोला ९० हजार ४ सयमा कारोबार भएकोमा आज सुनको भाउ तोलामा १५ सयले बढेको हो ।
नेपाल सुनचाँदी व्यावसायी महासंघका अनुसार आज छापावाल सुनको भाउ तोलामा ९१ हजार ९ सय कायम गरिएको छ भने तेजावी सुनको मूल्य ९१ हजार ४ सय निर्धारण गरिएको छ ।
त्यस्तै, आज चाँदीको भाउ पनि बढेको छ । सोमबार चाँदीको मूल्य तोलामा १३१५ मा कारोबार भएकोमा भाउ मूल्य बढेर प्रतितोला १३४० पुगेको महासंघले जनाएको छ ।
