काठमाडौं । नेपाल स्टक एक्सचेञ्ज (नेप्से) ले साताको अन्तिम दिन आज (बिहिबार) दोहोरो अंकले बढेको छ ।
आज नेप्से ३१.८७ अंकले बढेर २ हजार तीन सय ७४ दशमलब ६४ विन्दुमा पुगेको छ । यो विन्दु हालसम्मकै उच्च विन्दु हो । त्यस्तै, आज भने ७ अर्ब ७९ करोड ८५ लाखको कारोबार भएको छ ।
बिमा समूहको वर्चश्व रहेको बिहीबारको कारोबारमा सबैभन्दा धेरै कारोबार ५ बिमा कम्पनीले गरेका छन् । नेपाल लाइफको ५३ करोडको कारोबार भएको छ भने नेको, नेपाल–रि, शिखर, नेसनल लाइफ इन्स्योरेन्स रहेको छ । १० बढी कारोबार हुने अन्य कम्पनीमा प्रभु बैंक, नेपाल टेलिकम, एनआई एसिया, अरुण कावेली हाइड्रो र नबिल बैंक छन् ।
बिहीबार २४ वटा कम्पनीको सेयर मूल्य ९ प्रतिशतभन्दा धेरैले बढेको छ । यद्यपि, अधिकांश वाणिज्य बैंकहरुको सेयर मूल्य घटेसँगै बैंकिङ सूचक र म्युचुअल फन्ड सूचकमा सामान्य गिरावट आएको छ । बिहीबारको कारोबारमा जीवन बिमा समूह र निर्जीवन बिमा समूहमा उछाल आएको छ । पुँजीकरणका आधारमा भन्दा बिमा समूहको हिस्सा १७ प्रतिशत छ भने बैंक समूहको हिस्सा ४१ प्रतिशत छ ।
