नेपाल स्टक एक्सचेञ्ज (नेप्से) परिसूचक बुधवार १५ दशमलव ८७ अंक बढेर बन्द भएको छ । यो दिन नेप्से परिसूचक २ हजार ३४२ दशमलव ७६ विन्दुमा पुगेको हो । बुधवार कारोबार रकम भने घटेको छ । मंगलवार ७ अर्ब ४६ करोड ७४ लाख ३९ हजार बराबरको शेयर कारोबार भएकोमा बुधवार ६ अर्ब २१ करोड ९ लाख ६६ हजार बराबरको १ करोड ५९ लाख ८१ हजार ९५२ कित्ता शेयर कारोबार भएको छ । यो कारोबार २११ ओटा कम्पनीको ५३ हजार ३३४ पटकको व्यापारमा भएको हो । कुल कारोबारमा सर्वाधिक हिस्सा नेपाल लाइफ इन्स्योरेन्सले ओगटेको छ । नेपालको इतिहासमै पहिलो पटक शेयर संख्या टुक्र्याउन लागेको उक्त कम्पनीको सर्वाधिक रकमको कारोबारले निरन्तरता पाइरहेको छ । उक्त कम्पनीले प्रति शेयर अंकित मूल्य ५० मा झार्ने तयारी गरेको छ । बुधवार नेपाल लाइफको ६१ करोड ४० लाख ८९ हजार बराबरको शेयर कारोबार भएको छ । कम्पनीको शेयरमूल्य पनि ७ दशमलव २९ प्रतिशतले बढेको छ । प्रतिकित्ता १९६ ले बढेर नेपाल लाइफ इन्स्योरेन्सको अन्तिम शेयरमूल्य २ हजार ८८५ पुगेको छ । यो दिनको कारोबारमा १२ ओटा समूहमध्ये पाँच ओटा समूहको परिसूचक घटेको छ भने ७ समूहको परिसूचक बढेको छ । बुधवारको बजारमा होटल समूहका लगानीकर्ताहरुले सर्वाधिक गुमाएका छन् भने जीवन बीमा समूहका लगानीकर्ताहरुले सर्वाधिक कमाएका छन् । होटल समूहको परिसूचक सर्वाधिक १ दशमलव १२ प्रतिशत घटेको छ भने जीवन बीमा समूहको परिसूचक सर्वाधिक ४ दशमलव ६७ प्रतिशत बढेको छ । यो दिन बैंकिङकको परिसूचक शून्य दशमलव १४ प्रतिशत, व्यापारिकको शून्य दशमलव ३ प्रीतशत, उत्पादन तथा प्रशोधनको १ दशमलव शून्य ५ प्रतिशत र अन्य समूहको शून्य दशमलव ६४ प्रतिशत घटेको छ । यस दिन वित्त समूहको ४ दशमलव २६ प्रतिशत, जलविद्युुतको ३ दशमलव शून्य ५ प्रतिशत, निर्जीवन बीमाको १ दशमलव ७३ प्रतिशत, लघुवित्तको शून्य दशमलव ७६ प्रतिशत, म्यचुअल फण्डको शून्य दशमलव १३ प्रतिशत र विकास बैंकको शून्य दशमलव शून्य ८ प्रतिशत परिसूचक बढेको हो ।
