काठमाडौं । नेपाली बजारमा साताको कारोबारको पाँचौ दिन (बिहीबार) सुनचाँदीको भाउ घटेको छ । यस दिन सुन तोलामा १ हजार ३०० रुपैयाँले घटेको हो ।
आज छापावाल सुन प्रति तोला ९५ हजार ४०० रुपैयाँमा र तेजाबी सुन प्रति तोला ९४ हजार ९०० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।
बुधबार छापावाल सुन तोलामा ३०० रुपैयाँले बढेर प्रति तोला ९६ हजार ७०० रुपैयाँ र तेजाबी सुन ९६ हजार २०० रुपैयाँमा कारोबार भएको थियो ।
यस्तै आज चाँदी पनि प्रति तोलामा १० रुपैयाँले घटेर कारोबार भैरहेको छ । चाँदी तोलाको भाउ प्रति तोला १३३० रुपैयाँ रहेको छ । यसअघि बुधबार चाँदी तोलामा ५ रुपैयाँले बढेर १३४० रुपैयाँमा कारोबार भएको थियो ।
