काठमाडौं । नेपाल स्टक एक्सचेञ्ज (नेप्से) ले सोमवार प्राइम कमर्सियल बैंकको बोनस शेयरको मूल्य समायोजन गरेको छ ।
नेप्सेले १५ प्रतिशत बोनस शेयरको समायोजनपछि शेयरमूल्य ४०७ रुपैया तोकेको छ ।
कम्पनीको अघिल्लो कारोबारको दिन (आइतवार) कायम अन्तिम शेयरमूल्य ४६८ रुपैयाँको आधारमा शेयरमूल्य समायोजन भएको हो । अब समायोजित मूल्यअनुसार कम्पनीको सेयर कारोबारमा आउनेछ ।
कम्पनीले लाभांश तथा साधारण सभा प्रयोजनार्थ सोमवार बुकक्लोज गरेसँगै नेप्सेले शेयरमूल्य समायोजन गरेको हो ।
कम्पनीले १५ प्रतिशत बोनस शेयर वितरण गर्ने प्रस्ताव गरेको छ । उक्त प्रस्ताव पारित गर्न कम्पनीले पुस २९ गते वार्षिक साधारण सभा बोलाएको छ ।
कम्पनीले आफ्नै केन्द्रीय कार्यालय कमलपोखरी, काठमाडौंमा बिहान १० बजे सभा बोलाएको हो ।
