काठमाडौं । आज (बुधबार) सुनचाँदीको भाउ बढेको छ । आज सुन तोलामा १०० रुपैयाँले बढेर कारोबार भएको हो ।
नेपाल सुनचाँदी व्यवसायी महासंघले आजको लागि छापावाला सुन प्रतितोला ९४ हजार २०० रुपैयाँमा र तेजाबी सुन प्रतितोला ९३ हजार ७०० रुपैयाँमा कारोबार भइरहेको जनाएको छ । मंगलबार छापावाल सुन तोलामा ९४ हजार १०० रुपैयाँ र तेजाबी सुन प्रति तोला ९३ हजार ६०० रुपैयाँमा कारोबार भएको थियो ।
उता आज चाँदीको भाउ पनि बढेको छ । यस दिन चाँदी प्रति तोलामा ५ रुपैयाँले बढेर १ हजार ३०५ रुपैयाँमा खरिदबिक्री हुँदैछ । अघिल्लो कारोबार दिन मंगलबार चाँदी प्रति तोला १ हजार ३०० रुपैयाँमा कारोबार भएको थियो ।
