काठमाडौं । पछिल्लो दुई दिन घटेको सुनको भाउ सामान्य रुपमा बढेको छ । आज सुनको भाउ तोलामा १०० रुपैयाँले वृद्धि भएको हो ।
नेपाल सुनचाँदी व्यवसायी महासंघले आजकोलागि छापावाला सुन प्रतितोला ९४ हजार १०० रुपैयाँमा र तेजाबी सुन प्रतितोला ९३ हजार ६०० रुपैयाँमा कारोबार भइरहेको जनाएको छ । बुधबार सुन तोलामा ९०० रुपैयाँले घटेर प्रतितोला ९४ हजार रुपैयाँमा कारोबार भएको थियो ।
यसैगरी चाँदीको भाउ पनि बिहीबार भाउ बढेको छ । यस दिन चाँदी तोलामा १५ रुपैयाँले बढेर प्रतितोला एक हजार २८० रुपैयाँमा खरिदबिक्री हुँदैछ । अघिल्लो कारोबार दिन चाँदी प्रतितोला एक हजार २६५ रुपैयाँ तोकिएको थियो ।
