काठमाडौं । नेपाली बजारमा सुनको भाउ आज (आइतबार) घटेको छ । शुक्रबार सुनको भाउ ९२ हजार ९ सय रुपैयाँमा कारोबार भएकोमा आज तोलामा २०० रुपैयाँले घटेका नेपाल सुनचाँदी व्यवसायी महासंघले जनाएको छ ।
महासंघकाअनुसार आज छापावाल सुनको भाउ प्रतितोला ९२ हजार ७०० रुपैयाँ कायम गरिएको छ भने तेजावी सुनको भाउ ९२ हजार २५० रुपैयाँ निर्धारण गरिएको छ ।
त्यस्तै, आज चाँदीको भाउ प्रतितोला १२ सय १० रुपैयाँ रहेको महासंघले जनाएको छ ।
