काठमाडौं । नेपाल स्टक एक्सचेञ्ज (नेप्से) ले आज आरएमडीसी लघुवित्त वित्तीय संस्थाको मूल्य समायोजन गरेको छ ।
कम्पनीले लाभांश तथा साधारण सभा प्रयोजनार्थ सोमवार बुकक्लोज गरेसँगै नेप्सेले शेयरमूल्य समायोजन गरेको हो ।
नेप्सेले १५ प्रतिशत बोनस शेयरको समायोजनपछि कम्पनीको शेयरमूल्य प्रतिकित्ता ८६१ रुपैयाँ तोकेको छ ।
कम्पनीले १५ प्रतिशत बोनस शेयर र ५ प्रतिशत नगद लाभांश पारित गर्न मंसिर २२ गते २२औं वार्षिक साधारण सभाको आयोजना गरेको छ ।
हाल कम्पनीको चुक्तापूँजी ८९ करोड ९३ लाख २३ हजार रुपैयाँ रहेको छ । सोहि पूँजीको आधारमा कम्पनीले लाभांश दिने निर्णय गरेको हो ।
