साताको दोस्रो दिन नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज (सोमबार) नेप्से परिसूचक ४.२२ अंकले बढेर १ हजार ६ सय ५२ दशमलव ८० विन्दुमा कायम भएको स्टकले जनाएको छ । तर ठुला कम्पनीको कारोबार गर्ने सेन्सेटिभ इन्डेक्स भने झिनो अंकले घटेको छ ।नेप्सेका अनुसार आज ३ अर्ब ६९ करोड ९७ लाख २ हजार ७८१ को कारोबार भएको छ । आज कारोबार भएका समूहमध्ये ६ वटा समूह ओरालो लागेका छन् भने अन्य ६ वटा बढेका छन् । साेमबार काराेबार रकमकाे आधारमा नेपाल पुनर्बीमा कम्पनी लिमिटेडले अग्रता कायम गर्न सफल भएकाे छ । कम्पनीको ५५ कराेड एक लाख ८१ हजार ४ सय ८५ रूपैयाँ बराबरकाे शेयर काराेबार भएकाे हाे । तिहार सुरु हुन लागेपछि नेप्से बढेको हो ।
