काठमाडौँ । सोमबार शेयर बजार दोहोरो अंकले बढेको छ ।
नेपाल स्टक एक्सचेञ्जका अनुसार सोमबार शेयर कारोबार मापक नेप्से परिसूचक १३.५८ अंकले बढेर १ हजार ५७०.३८ मा पुगेको छ । यस्तै सेन्सेटिभ परिसूचक २।६२ अंकले बढेर ३१०.८९ मा पुगेको छ ।
कूल १८९ वटा कम्पनीको ३२ लाख ६७ हजार ८ सय ६७ कित्ता शेयर खरिदबिक्री हुँदा ९५ करोड ४६ लाख ५६ हजार १ सय ७ रुपैयाँको कारोबार भएको छ ।
स्टकका अनुसार कारोबार भएका कूल १२ उपसमूह मध्ये आज ११ वटा उपसमूहको शेयर बढेको छ भने बाँकी एउटा उपसमूहको शेयर मात्र घटेको छ ।
त्यसैगरी, सोमबार कारोबार रकमको आधारमा अपि पावर कम्पनी लिमिटेडले अग्रता कायम गर्न सफल भएको छ । कम्पनीको ४ करोड २ लाख ५३ हजार ८ सय ९१ रूपैयाँ बराबरको कारोबार भएको छ ।
