काठमाडौं । गत एक हप्ता हाइड्रोपावर कम्पनीहरुको शेयर मूल्यमा अप्रत्याशित रुपमा वृद्धि भएको छ ।
नेप्सेमा सूचीकृत ३३ ओटै कम्पनीका शेयरधनीले आकर्षक मुनाफा कमाएका छन् । सबैभन्दा बढी राधी विद्युत् कम्पनीका शेयरधनीले कमाएका छन् ।उक्त कम्पनीको शेयर मूल्य अघिल्लो साता भदौ २६ गते प्रतिशेयर रू। २१८ रहेकोमा गत हप्ता असोज २ गते रू. २८४ पुगेको छ ।
त्यसैगरी दोस्रोमा अरुण भ्याली हाइड्रोपावर कम्पनीको शेयर मूल्य रू. ५९ ले वृद्धि भएको छ । यस समय अवधिमा हाइड्रोपावर कम्पनीका शेयरमा लगानी गर्ने अल्पकालिन लगानीकर्ताले पनि राम्रो प्रतिफल पाएका छन् ।
अझै अंकित मूल्यभन्दा तल शेयर मूल्य रहेका कम्पनी पाँच ओटा रहेका छन् । घलेम्दी हाइड्रोपावर,आँखुखोला जलविद्युत् कम्पनी, खानीखोला, दिब्यश्वरी र नेशनल हाइड्रोपावर कम्पनीको शेयर मूल्य अंकित मूल्यभन्दा कम रहेको छ । आर्थिक अभियानमा खबर छ ।
