काठमाडौं । बुधबार सुन तोलामा नौसय रुपैयाँ बढेको छ। नेपाल सुनचाँदी व्यवसायी महासंघले बुधबार छापावाला सुनको भाउ प्रतितोला ८८ हजार ६ सय रुपैयाँ र तेजाबी सुनको भाउ प्रतितोला ८८ हजार तीन सय रुपैयाँ तोकेको छ।
करिब साढे २ महीनापछि महासंघले आइतबारदेखि दैनिक नयाँ मूल्य सार्वजानिक गर्न थालेकोमा सो पश्चात लगातार तेस्रो दिन पनि सुनको भाउ बढेको हो । आइतबार १० हजार चार सय रुपैयाँ बढाएर नयाँ मूल्य तोकेको थियो भने त्यसपश्चात सोमबार एक सय रुपैयाँ र मंगलबार पनि दुइ सय रुपैयाँले बढेको थियो।
मंगलबार छापावाला सुन प्रतितोला ८७ हजार ७ सय रुपैयाँ र तेजाबी सुन ८७ हजार चार सय रुपैयाँमा कारोबार भएको थियो।
यस दिन चाँदीको भाउ पनि तोलामा ५ रुपैयाँले बढेर प्रतितोला ९ सय ३५ रुपैयाँमा खरिद बिक्री भइरहेको छ।
