काठमाडौँ । नेपाली बजारमा सुनको भाउ घटेको छ । नेपाल सुनचाँदी व्यवसायी महासंघका अनुसार सोमबार सुनको भाउ प्रतितोला ५ हजार रुपैयाँले घटेको हो ।
आइतबार प्रतितोला २ लाख ९९ हजार ३०० रुपैयाँमा कारोबार भएको सुन सोमबार घटेर २ लाख ९४ हजार ३०० रुपैयाँमा झरेको छ ।
त्यस्तै, सोमबार १० ग्राम सुनको भाउ २ लाख ५२ हजार ३१५ रुपैयाँ कायम भएको छ । आइतबार १० ग्राम सुन २ लाख ५६ हजार ६०० रुपैयाँमा कारोबार भएको थियो ।
चाँदीको भाउ पनि घटेको छ । आइतबार प्रतितोला ४ हजार ६५५ रुपैयाँ रहेको चाँदी सोमबार १४५ रुपैयाँले घटेर ४ हजार ५१० रुपैयाँमा कायम भएको महासंघले जनाएको छ ।
त्यस्तै, १० ग्राम चाँदीको भाउ सोमबार ३ हजार ८६७ रुपैयाँ कायम भएको छ । आइतबार यसको भाउ ३ हजार ९९० रुपैयाँ ५० पैसा थियो ।
