काठमाडौं । नेपाली बजारमा सुनको भाउ आज (बिहीबार) फेरि बढेको छ । हिजो सुनको भाउ प्रतितोला ९९ हजार २ सयमा कारोबार भएकोमा आज तोलामा ११ सयले बढेको हो । बुधबार सुनको भाउ तोलामा ११ सयले घटेको थियो ।
नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा एक लाख ३ सय रुपैयाँ पुगेको छ भने तेजावी सुनको भाउ प्रतितोला ९९ हजार ८ सय रुपैयाँ पुगेको छ ।
त्यस्तै, आज चाँदीको भाउ पनि बढेको छ । हिजो चाँदीको भाउ प्रतितोला १३ सय ७० रुपैयाँमा कारोबार भएकोमा आज बढेर प्रतितोला १३ सय ७५ रुपैयाँ भाउ कायम गरिएको महासंघले जनाएको छ ।
