काठमाडौँ। आज पनि सुनको मूल्य घटेको छ । अघिल्लो दिन मंगलबार तोलामा २०० रुपैयाले घटेको सुन आज बुधबार तोलामा ५०० रुपैयाँले घटेको छ ।
नेपाल सुनचाँदी व्यवसायी महासंघकाे अनुसार यस दिन छापावाल सुन प्रतितोला ९२ हजार ५०० रुपैयाँमा कारोबार भइरहेको छ । त्यस्तै आज तेजाबी सुन प्रतितोला ९२ हजार रुपैयाँमा कारोबार भइरहेको छ ।
मंगलबार छापावाल सुन प्रतितोला ९३ हजार रुपैयाँमा किनबेच भएको थियो ।
बुधबार चाँदीको मूल्य भने स्थिर रहेको छ । आज चाँदी मंगलबारकै कारोबार मूल्य अर्थात् एक हजार २६० रुपैयाँमा कारोबार भइरहेको छ । मंगलबार चाँदी तोलामा १० रुपैयाँले बढेको थियो ।
