काठमाडौं । मंगलबार नेपाली बजारमा सुनको भाउ प्रति तोलामा दुई सय रुपैयाँले घटेको छ । नेपाल सुनचाँदी व्यवसायी महासंघका अनुसार अघिल्लो दिनको तुलनामा आज मंगलबार छापावाला सुन तोलामा दुई सय रुपैयाँले घट्दै ९३ हजार रुपैयाँमा कारोबार भैरहेको छ ।
गत सोमबार सुन प्रतितोला ९३ हजार २०० रुपैयाँमा कारोबार भएको थियो । यस्तै, तेजाबी सुनको भाउ समेत गत सोमबारको तुलनामा तोलामा दुई सय रुपैयाँले नै घट्दै आज प्रतितोला ९२ हजार ५०० रुपैयाँमा कारोबार भइरहेको महासंघले जनाएको छ ।
तर, चाँदीको भाउ भने आज तोलामा १० रुपैयाँले बढेको छ । महासंघका अनुसार आज प्रतितोला १२ सय ६० रुपैयाँमा कारोबारमा छ । सोमबार १२५० रुपैयाँमा कारोबार भएको थियो ।
