काठमाडौँ। सुनको मूल्य लगातार दोश्रो दिन पनि घटेको छ । आज बुधबार सुन तोलामा ४०० रुपैयाँले घटेको हाे ।
यस दिन छापावाल सुन प्रतितोला ९२ हजार ६०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । आज तेजाबी सुन प्रतितोला ९२ हजार १०० रुपैयाँमा कारोबार भइरहेको छ । अघिल्लो कारोबार दिन मंगलबार पनि सुन तोलामा ८०० रुपैयाँले घटेर प्रतितोला ९३ हजार रुपैयाँमा किनबेच भएको थियो । सुनको मूल्य पछिल्लो दुई दिनमा एक हजार २०० रुपैयाँले घटेको छ ।
बुधबार चाँदीको मूल्य भने बढेको छ । यस दिन चाँदी तोलामा १० रुपैयाँले बढेको छ । महासंघका अनुसार आज चाँदी प्रतितोला एक हजार २४५ रुपैयाँमा किनबेच भैरहेको छ । मंगलबार चाँदी प्रतितोला १० रुपैयाँले घटेर एक हजार २३५ रुपैयाँमा कारोबार भएको थियो ।
