काठमाडौं । सिभिल बैंकले लाभांश घोषणा गरेको छ । बैंकको सोमबार बसेको संचालक समितिको बैठकले आर्थिक वर्ष २०७७–७८ को मुनाफाबाट बितरण गरिने लाभांश प्रस्ताव गरेको हो ।
जस अनुसार कम्पनीले हाल कायम चुक्ता पुँजीको ५ प्रतिशत बोनस शेयर र कर प्रयोजनको लागि ०.२६ प्रतिशत नगद लाभांश गरि कुल ५.२६ प्रतिशत लाभांश प्रस्ताव गरेको हो । कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि लगानीकर्तामा बितरण हुने छ ।
यो बैैंकले दिएको लाभांश गत वर्षको भन्दा भन्दा कम हो । गत वर्षको नाफाबाट यो बैंकले ८.४२ प्रतिशत लाभांश दिएको थियो ।
सिभिलले लाभांश घोषणा गरेसंगै नेपाल स्टक एक्सचेन्ज नेप्सेमा सुचिकृत सबै बाणिज्य बैंकहरुले लाभांश घोषणा गरिसकेका छन् ।
