काठमाडौँ। नेपाल स्टक एक्सचेन्ज (नेप्से) मा सोमबार दुई कम्पनीको शेयर मूल्य समायोजन भएको छ ।

हाइड्रो इलेक्टि्रसिटी इन्भेष्टमेण्ट एन्ड डेभलपमेन्ट कम्पनी (एचआईडीसीएल) र साना किसान माइक्रोफाइनान्सको बार्षिक साधारणसभा र लाभांश वितरणको प्रयोजनका लागि सोमबार शेयर मूल्य समायोजन भएको छ ।

यी कम्पनीको बुक क्लोजपछि नेप्सेले शेयर मूल्य समायोजन गरी नयाँ मूल्य तोकेको हो ।

जलविद्युत लगानी तथा विकास कम्पनी (एचआईडीसीएल) को ८ प्रतिशत बोनस सेयरमा मूल्य समायोजन भएको छ । समायोजनपछि कम्पनीको शेयर मूल्य २४८ रुपैया ३३ पैसा तोकिएको छ । समायोजनअघि कम्पनीको शेयर मूल्य प्रतिशेयर २६८ रुपैयाँ २० पैसा रहेको थियो ।

त्यस्तै, साना किसान माइक्रोफाइनान्सको २५ प्रतिशत बोनस पछि मूल्य समायोजन भएको छ । समायोजनपछि शेयरको मूल्य प्रतिशेयर रु. १,१७६ रहेको छ । समायोजनअघि कम्पनीको शेयर मूल्य रु. १४७० रहेको थियो।