काठमाडौं । नेपाली बजारमा सुनको भाउ आज पनि बढेको छ । सुनचाँदी व्यवसायी महासंघका अनुसार हिजो सुनको भाउ प्रतितोला ९२ हजार १ सयमा कारोबार भएकोमा आज तोलामा तीन सयले बढेको हो । आइतबार सुनको भाउ तोलामा चार सयले बढेको थियो ।
महासंघका अनुसार आज छापावाल सुनको भाउ प्रतितोला ९२ हजार ४ सय रहेको छ भने तेजावी सुनको भाउ ९१ हजार ९ सय रहेको छ । त्यस्तै, आज चाँदीको भाउ पनि बढेको छ । हिजो चाँदीको भाउ १२ सय ६० मा कारोबार भएकोमा आज बढेर प्रतितोला १२ सय ६५ रुपैयाँ भाउ कायम भएको महासंघले जनाएको छ ।
