काठमाडौं। सोमबार प्रतिनिधि सभाबाट विनियोजन विधेयक बहुमतले पारित भएको छ ।
प्रमुख प्रतिपक्षी दल नेकपा (एमाले) का सांसदहरुले सोमवार पनि नाराबाजी गरेका थिए । नाराबाजीका बीच प्रतिनिधि सभाले विनियोजन विधेयक बहुमतले पारित गरेको हो ।
विधेयकमाथिको छलफलमा उठेका प्रश्नको जवाफ दिंदै अर्थमन्त्री शर्माले पूर्ववर्ती सरकारले ल्याएको बजेटमा तीन प्रतिशत बजेट मात्रै हेरफेर गरिएको तथा राष्ट्रहित र जनआकाङ्क्षालाई प्राथमिकतामा राखेर बजेट व्यवस्था गरिएको बताए ।
बैठकमा सभामुख अग्निप्रसाद सापकोटाले बहुमतले बजेट पारित भएको घोषणा गरेका छन् ।बजेट पारित भएसँगै सरकारलाई खर्च गर्नका लागि बाटो खुलेको छ ।
अर्थमन्त्री जनार्दन शर्माले गत भदौ २५ गते चालू आर्थिक वर्षका लागि १६ खर्ब ३२ अर्ब ८३ करोड रुपैयाँको बजेट पेस गरेका थिए ।
