काठमाडौं । साताको तेस्रो दिन मंगलबार नेपाल स्टक एक्सचेन्ज (नेप्से) परिसूचक १८.५४ अंकले घटेर २९२९.२९ विन्दु आएर आजको कारोबार बन्द भएको छ ।
नेप्सेमा सूचिकत २२२ कम्पनीको १ करोड ६ लाख ३९ हजार ८२६ कित्तँ शेयर किनबेच हुँदा ५ अर्ब १९ करोड ५२ लाख ९५ हजार ४४३ रुपैयाँको कारोबार भएको छ ।
नेप्से समूहमा रहेका १३ उपसूचक नै आज राताम्य भएका छन् । अघिल्लो कारोबार दिनमा निर्जीबन बीमा समूहमा लगानीकर्ताको आकर्षण देखिएकोमा आज सर्वाधिक घट्न पुगेको छ ।
त्यस्तै, आज पनि सधैझै हाइड्रोपावर कम्पनीहरुमा लगानीकर्ताको आकर्षण कायमै देखिएको छ । आज सर्वाधिक कारोबार कम्पनीमा अरुण भ्याली हाइड्रोपावर रहेको छ । कम्पनीको आज २७ करोड ३ लाख ७० हजार ५२४ रुपैयाँको कारोबार भएको हो ।
नेप्सेका अनुसार आज कारोबार भएका दुई कम्पनीको शेयरमूल्यमा उच्च बृद्धि भएको छ । शेयरमूल्य बढ्ने कम्पनीहरुमा मनकामना स्मार्ट लघुवित्त वित्तिय संस्था र सानिमा लाइफ इन्स्योरेन्स रहेका छन् । यी कम्पनीको शेयरमुल्यमा आज पोजेटिभ सर्किट लागेको छ ।
त्यस्तै, राष्ट्रिय बीमा कम्पनीका लगानीकर्ताले सर्वाधिक गुमाएका छन् । यसको शेयरमूल्य आज करिब ६ प्रतिशत भन्दा बढीले घटेको छ ।
