काठमाडौं। साधना लघुवित्त वित्तीय संस्था लिमिटेडले कुल २६ दशमलव ३२ प्रतिशत लाभांश प्रस्ताव गरेको छ ।
कम्पनीको भदौ २४ गते बसेको सञ्चालक समितिको बैठकले गत आर्थिक वर्ष २०७७–७८ को वितरणयोग्य मुनाफाबाट हाल कायम चुक्तापूँजीको आधारमा २५ प्रतिशत बोनस शेयर र कर प्रयोजनका लागि १ दशमलव ३२ प्रतिशत नगद लाभांश प्रस्ताव गरेको हो ।
हाल कम्पनीको चुक्तापूँजी २५ करोड ६९ लाख ८० हजार ४ सय रुपैयाँ रहेको छ ।
सञ्चालक समितिको प्रस्तावित लाभांश नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरणयोग्य हुनेछ ।
