काठमाडौं । मंगलबार नेपाल स्टक एक्सचेन्ज (नेप्से) सूचक ४४ दशमलव १८ अंकले घटेर बजार २९ सय ३६.६० विन्दुमा आएर आजको कारोबार बन्द भएको छ । आज कारोबारमा आएका २२२ कम्पनीका १ करोड ५० लाख ८२ हजार ८१ कित्ता शेयर खरिद बिक्रिबाट ७ अर्ब ४९ करोड ५८ लाख १२ हजार १ सय ६१ रुपैयाँ ४३ पैसा बराबरको भएको छ । आइतबार १०८.२६ अंकले घटेको बजार सोमबार १६२ अंकले बढेको थियो ।
आज कारोबारमा आएका मध्ये म्युचुअल फण्ड र अन्य बाहेकका सबै समुहगत सूचक घटेका छन् । जस मध्ये होटेल एण्ड टुरिजम समुह सबैभन्दा धेरै २.९९ प्रतिशत तथा लघुवित्त समुह २.५८ प्रतिशतले घटेको छ ।
आज सानिमा लाइफको शेयर मूल्य सर्वाधिक १० प्रतिशतले बढेको छ भने युनाइटेड मोदीको शेयर मूल्य ७.७८ प्रतिशतले तथा एचआइडिसीएलको शेयर मूल्य ५.१६ प्रतिशतले बढेको छ ।
धेरै गुमाउने कम्पनीका लगानीकर्तामा आरएमडीसी लघुवित्त, रुरु जलविद्युत, प्रोग्रेसिभ फाइनान्स, फस्र्ट माइक्रोफाइनान्सजस्ता कम्पनी रहे ।
