काठमाडौं । आइएमई जनरल इन्स्योरेन्स लिमिटेडले हकप्रद सेयर निष्कासन गर्ने भएको छ। कम्पनीले ४० प्रतिशत हकप्रद शेयर बिक्री गर्न अनुमति माग गर्दै बिहीबार नेपाल धितोपत्र बोर्डमा आवेदन दिएको हो ।
कम्पनीले चुक्ता पूँजी १ अर्ब १५ करोड ७६ लाख रुपैयाँ छ। १ः०.४ अनुपात अर्थात ४० प्रतिशत हकप्रद शेयर निष्काशनपछि कम्पनीको चुक्ता पूँजी १ अर्ब ६२ करोड ६ लाख रुपैयाँ पुग्नेछ।
गत वैशाख १२ गते सम्पन्न कम्पनीको २३ औँ वार्षिक साधारणसभाले चुक्तापुँजीको ७ प्रतिशत बोनस सेयर वितरणको प्रस्ताव र बोनस सेयर जारीपछि कायम चुक्तापुँजीको ४० प्रतिशतले हुन आउने हकप्रद निष्कासनको अजेन्डा अनुमोदन गरेको थियो। कम्पनीको यो हकप्रदलाई नियामक बीमा समितिले भने निष्कासनका लागि अनुमति दिइसकेको छ।
