काठमाडौं । साहस उर्जाको आईपीओमा आवेदन गर्ने आज अन्तिम दिन रहेको छ ।
कम्पनीले साउन २९ गतेदेखि सोलुखुम्बु जिल्लाका आयोजना प्रभावित क्षेत्रका स्थानीय बासिन्दाका लागि ३५ लाख कित्ता आईपीओ निष्कासन गरिरहेको छ । लगानीकर्ताले न्यूनतम १० कित्तादेखि अधिकतममा १० लाख ५० हजार कित्ताका लागि आवेदन दिन सक्नेछन्।
आवेदकले सोलुखुम्बु जिल्लामा रहेको ग्लोबल आइएमई बैंकको सल्लेरी शाखा, नेपाल इन्भेष्टमेण्टको लुक्ला शाखा, लक्ष्मी बैंकको मुग्ली र नेले शाखा, माछापुच्छ्रे बैकको सल्लेरी शाखा तथा प्राइम कमर्सियल बैंकको रमिते शाखाबाट आवेदन दिन सक्नेछन् ।
साथै सि–आस्बा प्राप्त बैंक तथा वित्तीय संस्था तथा मेरो शेयर मार्फत पनि आईपीओमा आवेदन गर्न सक्नेछन् । विक्री प्रबन्धकमा एनआइबिएल एस क्यापिटल लिमिटेड रहेको छ ।
