काठमाडौं । बुधबार सेयर बजार सूचक भारी मात्रामा गिरावट आएको छ । एक सातापछि मंगलबार बढेको बजार आज फेरि ओरालो लागेको हो । आज नेप्से परिसूचकसँगै कारोबार रकममा पनि गिरावट आएको छ ।
नेपाल स्टक एक्सचेन्जका अनुसार आज नेप्से परिसूचक ५१.६५ अंकले घटेर २८६२.१८ बिन्दुमा आएर कारोबार बन्द भएको छ । त्यस्तै सेन्सेटिभ परिसूचक पनि ७.३७ अंकले घटेर ५२८।९७ बिन्दुमा पुगेको छ ।
कूल २१८ कम्पनीको एक करोड ९४ लाख १७ हजार ५ सय ३२ कित्ता सेयर खरिदबिक्री हुँदा ८ अर्ब ३६ करोड २६ लाख ७१ हजार ६ सय ८१ रूपैयाँ मंगलबार सेयर बजारमा १० अर्ब २८ करोड ६२ लाख ६९ हजार ९५७ रुपैयाँको कारोबार भएको थियो ।
आज कूल १३ वटा उपसमूहमा १३ वटै उपसमूहको सेयर घटेको छ । आज पनि विकास बैंक समूहको सेयरमूल्यमा सबैभन्दा धेरै घटेको छ ।
आज नेपाल पूनर्बीमा कम्पनीको सर्वाधिक बढि ५४ करोड ३० लाख रुपैयाँ बराबरको सेयर कारोबार भएको छ भने नेपाल इन्योरेन्स कम्पनीको ४२ करोड रुपैयाँ बराबरको सेयर कारोबार भएको छ ।
त्यस्तै, आज १५ वटा कम्पनीको मात्रै शेयरमूल्यमा बृद्धि भएको छ । १६५ वटा कम्पनीका लगानीकर्ताले आजको कोरोबारमा गुमाएका छन् ।
