नवलपरासी । पूर्वी नवलपरासीमा रहेको चौधरी ग्रुपको बियर गोदाममा भीषण आगलागी भएको छ । देवचुली नगरपालिका २ मा अवस्थित चौधरी उद्योग ग्रामको सीजी फुडमा बुधबार बिहान सवा ८ बजेदेखी आगलागी भएको हो । उद्योगको बियर प्लान्ट र गोदाममा आगलागी भएको पूर्वनवपरासी जिल्ला प्रहरी कार्यालयले जनाएको छ । पूर्वीनवपरासी जिल्ला प्रहरी कार्यालयका अनुसार बुधबार बिहान ८ः२० बजेबाट आगो लाग्न शुरु गरेको र अहिले नियन्त्रण बाहिर रहेको बताएको छ । अहिल ५ वटा दमकल परिचालन गरिएको छ । नेपाली सेना, नेपाल प्रहरी, सशस्त्र प्रहरी परिचालन गरिएको छ । आगो नियन्त्रणमा आउन नसकेपछि भवनहरू डोजर लगाएर भत्काउन थालिएको छ। सीजी फुड अन्तरगतर रहेको वियर फ्याक्टिको गोदाममा आगलानगी भएको प्रहरीले जनाएको छ । आगो नियन्त्रणमा नआएकाले क्षतिको विवरण यकिन गर्न नसकिएको प्रहरीले जनाएको छ । सो क्षेत्रमा रहेका हाम्रा प्रतिनिधिका अनुसार आगोको मुस्लो निकै देखिन्छ । चर्को घाम लागेको छ ।