काठमाडौं । साताको अन्तिम कारोबार दिन बिहीबार नेप्से ६.३७ अंकले बढेको छ ।
यो साता आइतबारदेखि मंगलबारसम्म लगातार बढेर हरेक दिन नयाँ रेकर्ड बनाएको नेप्से बुधबार भने दोहोरो अंकले करेक्सन भएको थियो । तर, आज साताको अन्मित कारोबार दिन उतार–चढावबीच पुनः लयमा फर्कने प्रयास गरेको नेप्से ६.३७ अंकले बढेर २७८७.१९ अंकमा आएर आजको कारोबार बन्द भएको छ । आज नेप्सेमा सूचीकृतमध्ये २१४ कम्पनीका २ करोड १ लाख ३३ हजार ६०२ कित्ता सेयर ९ अर्ब ३० करोड ५२ लाख २२ हजार ४ रुपैयाँमा किनबेच भएका छन्। त्यस्तै राम्रा र बलिया कम्पनीको सूचक सेन्सेटिभ इन्डेक्स पनि २.८३ अंकले बढेर ४९८.९७ को विन्दुमा पुगेको छ। यस दिन १ करोड ९९ लाख ७८ हजार ९५ कित्ता सेयर किनबेच भएको छ ।
जेठ ४ गते मंगलबार २७९३.८१ अंकमा ऐतिहासिक उचाइमा बन्द भएको नेप्से बुधबार १३.०९ अंकको करेक्सन हुँदा २७८३०.८१ अंकमा बन्द भएको थियो । आज बिहीबार प्रि–ओपन सेसनमा नै करिब १ प्रतिशतले बढेर २८०७ अंकको विन्दुमा खुलेको नेप्से आजको कारोबार दिनमा ओपनिङ विन्दुलाई नै उच्च विन्दु बनाउँदा २७७५ अंकसम्म झरेको थियो ।
बुधबार पटक–पटक २८०० अंकको विन्दु पार गरे पनि अन्तिममा घटेर बन्द भएको नेप्सेमा आज भने प्रि–ओपनिङ सेसनमा २८०० माथि खुले पनि त्यसपछि भने २८०० अंकको विन्दु पार गर्न सकेन ।
आज नेप्से उपसमूहमा रहेका १३ वटामध्ये ५ वटा समूहको शेयर मूल्य बढेको छ भने बाँकी ८ वटामा गिरावट आएको छ । यो दिन विकास बैंक समूह सर्वाधिक ११३.४४ अंकले बढेको छ । वित्त समूह ८९.२६ अंक, बैंकिङ समूह १७.३४ अंक, अन्य समूह १.८ अंक र म्युचुअल फन्ड समूह ०.०३ प्रतिशतले बढेको छ । उता जीवन बीमा समूह सर्वाधिक ७८.८५ अंकले गिरावट आएको छ । उत्पादन तथा प्रशोधन समूह ५६.८२ अंक, व्यापार समूह २२.६३ अंक, होटेल तथा पर्यटन समूह १८.८९ अंक, जलविद्युत् समूह ४२.२५ अंक, निर्जीवन बीमा समूह २३.४७ अंक, लघुवित्त समूह १३.२३ अंक र लगानी समूह ०.७५ अंकको गिरावट आएको छ।
नेपाल पुनर्बीमा कम्पनीको आज सर्वाधिक ३४ करोड ७० लाख रुपैयाँ बढीको कारोबार भएको छ। बैंक अफ काठमाण्डूको ३४ करोड १ लाख, नेसनल लाइफ इन्स्योरेन्सको २४ करोड ४३ लाख, नेपाल टेलिकमको २४ करोड ११ लाख, सिभिल बैंकको २२ करोड ६९ लाख, निफ्राको १९ करोड ९७ लाख, मञ्जुश्री फाइनान्सको १९ करोड ७ लाख, सिद्धार्थ इन्स्योरेन्सको १७ करोड २२ लाख, सेञ्चुरी कमर्सियल बैंकको १७ करोड १० लाख र अरुण भ्याली हाइड्रोपावरको १७ करोड २ लाख रुपैयाँ बढीको कारोबार भएको छ।
आज ६ वटा कम्पनीको सेयरमूल्यमा पोजेटिभ सर्किट लागेको छ। गुडविल फाइनान्स र मञ्जुश्री फाइनान्सको सेयरमूल्यमा १० प्रतिशत तथा समता घरेलु लघुवित्त, गोखार्ज फाइनान्स, युनाइटेड इदी मर्दी र जानकी फाइनान्सको सेयरमूल्यमा १० प्रतिशतको हाराहारीमा वृद्धि भएर पोजेटिभ सर्किट लागेको हो।
यता पाँचथर पावर कम्पनीको शेयरमूल्य यस दिन साढे ६ प्रतिशत घटेको छ।
