काठमाडौं । नेपाली बजारमा मंगलवार सुनको भाउ घटेको छ । स्थानीय बजारमा अघिल्लो कारोबार दिन अर्थात् सोमवार २०० रुपैयाँले उकालो लागेको सुनको भाउ मंगलवार ३०० रुपैयाँ ओरालो लागेको छ ।
नेपाल सुनचाँदी व्यवसायी महासंघका अनुसार मंगलवार छापावाला सुन प्रतितोला ९० हजार ७०० रुपैयाँमा कारोबार भएको छ । सोमवार छापावाला सुनको मूल्य प्रतितोला ९१ हजार रुपैयाँमा कारोबार भएको थियो ।
त्यसैगरी, तेजाबी सुन प्रतितोला ९० हजार २०० मा कारोबार भएको छ । सोमवार तेजाबी सुन प्रतितोला ९० हजार ५०० मा कारोबार भएको थियो ।
यस्तै, मंगलवार पनि चाँदीको मूल्य भने स्थिर रहेको छ । गत वैशाख ३ गतेदेखि स्थिर रहेको चाँदीको मूल्यले मंगलवार पनि निरन्तरता पाएको छ । गत वैशाख ३ गतेदेखि १ हजार ३०० मा कारोबार भएको चाँदी मंगलवार पनि सोही मूलयमा खरीदविक्री भइरहेको छ ।
