काठमाडौं । नेपाल आयल निगमले पेट्रोलियम पदाथमा भाउ बढाएको छ । निगमले आज (सोमबार) राति १२ बजेदेखि लागू हुने गरी डिजेल, पेट्रोल, मट्टीतेल तथा आन्तरिक तर्फको हवाई इन्धनको भाउ बढाएको हो ।
निगमले विज्ञप्ति जारी गरी पेट्रोल, डिजेल, मट्टितेलमा प्रतिलिटर दुई रुपैयाँ बढाएको जनाएको छ । नयाँ मूल्यअनुसार अब पेट्रोल प्रतिलिटर ११६ रुपैयाँ, डिजेल र मट्टितेलको प्रतिलिटर ९९ रुपैयाँ कायम गरिएको छ । निगमले ग्यासको मूल्य भने बढाएको छैन ।
इन्डियन आयल कर्पोरेसनबाट प्राप्त नयाँ मूल्यसूचीअनुसार खरिदमूल्य बढेर नाफा चुलिएपछि निगमले तेलको मूल्य बढाएको हो ।
त्यस्तै आन्तरिक तर्फको हवाई इन्धनमा प्रतिलिटर ५ रुपैयाँ बढाएर प्रति लिटर मूल्य ७२ कायम गरिएको छ । मूल्य बढाउँदा पनि आफुलाई घाटा नै रहेको निगमले जनाएको छ ।
