काठमाडौं । ग्रीन डेभलपमेण्ट बैंक लिमिटेडले ५.१० प्रतिशत लाभांश वितरण गर्ने प्रस्ताव गरेको छ ।
कम्पनीले ४.८४५ प्रतिशत बोनस शेयर र ०.२५५ प्रतिशत नगद लाभांश गरेर कुल ५.१० प्रतिशत लाभांश वितरण गर्ने प्रस्ताव गरेको हो । प्रस्तावित ४.८४५ प्रतिशत बोनस सेयरपछि चुक्ता पुँजी ५२ करोड ४२ लाख २५ हजार रुपैयाँ पुग्नेछ ।
यो प्रस्ताव नेपाल राष्ट्र बैंक र कम्पनीको आगामी साधारण सभाबाट पारित भएपछि शेयरधनीले लाभांश पाउनेछन् । कम्पनीको पुस २८ गते बसेको सञ्चालक समितीको बैठकले उक्त लाभांश वितरण गर्ने प्रस्ताव गरेको हो ।
