काठमाण्डौ । सिद्धार्थ बैंक लिमिटेडले गत आर्थिक वर्ष २०७६–०७७ का लागि प्रस्ताव गरेको लाभांश सुरक्षित गर्ने आज (पुस २७ गते) अन्तिम दिन रहेको छ।
बैंकले लाभांश र वार्षिक साधारणसभा प्रयोजनका लागि भोलि (पुस २८ गते) एक दिनका लागि बुक क्लोज गर्ने निर्णय गरेको छ। यसको अर्थ आजसम्म कायम रहेका सेयरधनीहरुमात्र यो बैंकको प्रस्तावित लाभांश पाउन र सभामा भाग लिन योग्य हुनेछन्।
बैंक गतआर्थिक वर्षको नाफाबाट सेयरधनीहरुलाई चुक्तापुँजीको कुल १५ प्रतिशत लाभांश प्रस्ताव गरेको छ, जसमा १२ प्रतिशत बोनस र ३ प्रतिशत नगद लाभांश रहेका छन्।
प्रस्तावित लाभांश बैंकको माघ १६ गते हुने १९ औँ वार्षिक साधारणबाट अनुमोदन भएपछि मात्र शेयरधनीहरु हकदार हुनेछन् ।
