काठमाडौं । निर्धन उत्थान लघुवित्त वित्तीय संस्था लिमिटेडले गत आर्थिक वर्ष २०७६–०७७ का लागि लाभांश प्रस्ताव गरेको छ ।
लघुवित्त कम्पनीको पुस २४ गते (शुक्रबार) बसेको सञ्चालक समितिको २६९ औं बैठकले चुक्तापुँजी १ अर्ब ५० करोड रुपैयाँको कुल १३.६८ प्रतिशत लाभांश प्रस्ताव गरेको छ ।
प्रस्तावित लाभांशमा १३ प्रतिशतले हुन आउने १९ करोड ५० लाख रुपैयाँबराबरको बोनस सेयर र ०.६८ प्रतिशतले हुन आउने १ करोड २ लाख ७३ हजार १५८ रुपैयाँबराबरको नगद लाभांश (कर प्रयोजनार्थ) रहेका छन ्।
प्रस्तावित लाभांश नेपाल राष्ट्र बैंकको स्वीकृति र लघुवित्त कम्पनीको आगामी वार्षिक साधारणसभाबाट अनुमोदन भएपछि शेयरधनीहरु हकदार हुनेछन् ।
