काठमाडौं । नेपाली बजारमा साताको कारोबारको दोस्रो दिन (मंगलबार) सुनचाँदीको भाउ बढेको छ । यस दिन सुन तोलामा १ हजार १००रुपैयाँले बढेको हो ।
आज छापावाल सुन प्रति तोला ९६ हजार ४०० रुपैयाँमा र तेजाबी सुन प्रति तोला ९५ हजार ९०० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।
सोमबार पनि छापावाल सुन तोलामा ८०० रुपैयाँले बढेर प्रति तोला ९५ हजार ३०० रुपैयाँ र तेजाबी सुन ९४ हजार ८०० रुपैयाँमा कारोबार भएको थियो ।
यस्तै आज चाँदी पनि प्रति तोलामा १० रुपैयाँले बढेर कारोबार भैरहेको छ । चाँदी तोलाको भाउ प्रति तोला १३३५ रुपैयाँ रहेको छ । यसअघि सोमबार चाँदी तोलामा २५ रुपैयाँले बढेर १३२५ रुपैयाँमा कारोबार भएको थियो ।
