काठमाडौं । स्पर्श लघुवित्त वित्तीय संस्था लिमिटेडले गत आर्थिक वर्ष २०७६–७७ को मुनाफाबाट लाभांश वितरण गर्ने लाभांश घोषणा गरेको छ।
कम्पनीको सोमवार बसेको सञ्चालक समितिको बैठकले १९ दशमलव ५० प्रतिशत बोनस शेयर र कर प्रयोजनको लागि १ दशमलव शून्य ३ प्रतिशत नगद लाभांश वितरण गर्ने प्रस्ताव गरेको हो ।
कम्पनीले गत आर्थिक वर्षको सञ्चित मुनाफाबाट चुक्तापूँजी ९ करोड ३७ लाख ४८ हजार १९० को आधारमा उक्त लाभांश प्रस्ताव गरेको हो ।
प्रस्तावित लाभांश राष्ट्र बैंकको स्वीकृति र कम्पनीको आगामी साधारण सभाले पारित गरेपछि शेयरधनीले पाउनेछन्।
