काठमाडौं । चिलिमे जलविद्युत् कम्पनीले गतआव २०७६–०७७ को मुनाफाबाट शेयरधनीलाई २० प्रतिशत लाभांश वितरण गर्ने प्रस्ताव गरेको छ ।
कम्पनीको मंगलबार बिहान बसेको सञ्चालक समिति बैठकले गत वर्षको नाफाबाट १० प्रतिशत बोनस सेयर र १० प्रतिशत नगद लाभांश दिने निर्णय गरेको हो । यो प्रस्ताव पारित गर्नको लागि कम्पनीले आगामी पुस १२ गते साधारण सभा आयोजना गरेको बताएको छ ।
साधारण सभा प्रयोजनको लागि कम्पनीले मंसिर २९ गतेदेखि पुस १२ गतेसम्म बुक क्लोज गर्ने भएको छ । मंसिर २८ गतेसम्म कायम शेयरधनीले प्रस्तावित लाभांश पाउनेछन् ।
हाल कम्पनीको चुक्तापूँजी ५ अर्ब ७० करोड ९७ लाख रुपैयाँ रहेको छ । १० प्रतिशत बोनस शेयर वितरण पछिपूँजी ६ अर्ब २८ करोड रुपैयाँ पुग्नेछ ।
कम्पनीको आगामी साधारण सभाले अनुमोदन गरेपछि लगानीकर्तालाई वितरण सुरु गरिनेछ । गत वर्ष पनि चिलिमेले २० प्रतिशत बोनस सेयर र ५ पतिशत नगद लाभांश गरी कुल २५ प्रतिशत वितरण गरेको थियो ।
